माध्यमिक शिक्षा परीक्षा SEE सुरु
प्रकाशित मिति : चैत्र ३, २०७३ बिहीबार
माध्यमिक शिक्षा परीक्षा (एसइई) अाजबाट सुरु भएको छ । परीक्षामा देशभरबाट कुल पाँच लाख ३८ हजार एक सय ८२ परीक्षार्थी सहभागि माध्यमिक शिक्षा परीक्षा (एसइई) मा देशभरमा ६७ हजार पाँच सय ९१ जनशक्ति परिचालन भएको परीक्षा नियन्त्रक अम्बिकाप्रसाद रेग्मीले जानकारी दिनुभयाे ।
शिक्षा ऐनको आठौँ संशोधनले राष्ट्रिय परीक्षा बोर्ड गठन भएको र कक्षा १० र १२ को परीक्षाको व्यवस्थापन बोर्डले गर्ने व्यवस्था भए पनि यसपटक भने परीक्षा नियन्त्रण कार्यालयले नै देशभर परीक्षा सञ्चालन गर्दै छ ।
परीक्षामा सम्मिलित हुने कुल पाँच लाख ३८ हजार एक सय ८२ परीक्षार्थीका लागि एक हजार नौ सय २३ केन्द्रमा एक हजार नौ सय २३ केन्द्राध्यक्ष, दुई हजार ६ सय ४६ सहायक केन्द्राध्यक्ष, २२ हजार चार सय ६१ निरीक्षक, ११ हजार सात सय १६ सहयोगी र २८ हजार आठ सय ४५ सुरक्षाकर्मी परिचालन हुने परीक्षा नियन्त्रक अम्बिकाप्रसाद रेग्मीले बताउनु भयाे ।