गाउँपालिकामा ४८९ कार्यकारी अधिकृत तोकिए
प्रकाशित मिति : चैत्र ४, २०७३ शुक्रबार
सरकारले ४८१ गाउँपालिकाका कार्यकारी अधिकृतलाई खटाएको छ । गाउँपालिकामा अधिकृत र नगरपालिकामा उपसचिवलाई नेतृत्व दिने सरकारले निर्णय गरिसकेको जनाईएको छ ।
अधिकृतहरुलाई गाउँपालिका कार्यालयहरुमा कार्यकारी अधिकृतका रुपमा काजमा संघीय मामिला तथा स्थानीय विकास मन्त्रालयले खटाएको जनाईएको हो । निर्वाचन आयोगले बिहीबारसम्म गाउँपालिका र नगरपालिकाहरुमा प्रमुख तोकेर कर्मचारी खटाउन लगाएको थियो । मन्त्रालयले कुनै विलम्ब नगरी खटिएको ठाउँमा हाजिर हुन सबै अधिकृतहरुलाई निर्देशन दिएको बुझिएको छ ।