रुपन्देहीको सैनामैनामा सडक दुर्घटना: २ जनाको मृत्यु
प्रकाशित मिति : माघ १७, २०७६ शुक्रबार
रुपन्देहीको सैनामैना- ८ रामापुरमा भएको सवारी दुर्घटनामा २ जनाको ज्यान गएको छ भने १ जना गम्भीर घाइते भएका छन् । मृत्यु हुनेमा सैनामैना–७ वयरकट्टीका मोटर साइकल चालक २० वर्षका सुदिप चौधरी र वर्ष २० कै पछाडी सवार निवन चौधरीको मृत्यु भएको इलाका प्रहरी कार्यालय बुटवलका प्रहरी नायव उपरिक्षक भिमलाल भट्टराईले जानकारी गराए ।
सोही मोटर साइकलमा सवार वर्ष १६ का सन्तराम चौधरीको लुम्बिनी प्रादेशिक अस्पतालमा उपचार भैरहेको छ । पश्चिमदेखि बुटवलतर्फ आउँदै गरेको लु ४२ प ७०९६ नम्बरको मोटरसाइकल तीब्र गतिका कारण अनियन्त्रित भई सोही दिशाको लु २४ प ७४७२ नम्बरको स्कूटरलाई ठक्कर दिएको थियो । मोटर साइकिलले विपरित दिशाबाट आएको मोटरसाइकल र पैदलयात्रीलाई समेत ठक्कर दिएको थियो । स्कूटरका चालक बुटवल- १३ सालघारी, बेलबासका तुलबहादुर गुरुङ सामान्य घाईते भएको इलाका प्रहरी कार्यालय सालझण्डीका प्रहरी निरिक्षक कमल परियारले जानकारी गराए ।
यसैगरी सोही मोटरसाइकिललाई बचाउँन खोज्दा पूर्वदेखि पश्चिमतर्फ जाँदै गरेको लु ३५ प ५०१९ नम्बरको मोटरसाइकल चालक सैनामैना- ८ रामापुरका चन्द्रबहादुर क्षेत्री र पैदलयात्री सोही ठाउँका भगवती न्यौपाने सामान्य घाइते भएको परियारले जानकारी गराए ।
तस्वीर: सुरेन्द्र परियारको फेसबुकबाट