हात्तीको आक्रमणबाट एकको मृत्यु
प्रकाशित मिति : माघ २०, २०७६ सोमबार
बर्दियाको राजापुर नगरपालिका–१० भगतपुर बस्ने एक जनाको हात्तीको आक्रमणबाट मृत्यु भएको छ । ८८ नम्बरको पिलरको सीमा जंगलमा खर काटी फर्केने क्रममा जंगली हात्तीको आक्रमणमा परी वर्ष ४९ का लक्ष्मीप्रसाद थारुको मृत्यु भएको हो ।
हात्तीको आक्रमणबाट सोही स्थान निवासी वर्ष २९ की उमा चौधरी घाइते भएकी छन् । उनलाई थप उपचारका लागि नेपालगञ्ज पठाइएको राजापुर इलाका प्रहरी कार्यालयका प्रहरी नायब उपरीक्षक विश्वराज खड्काले जानकारी दिए ।