रुपन्देहीको सैनामैनामा मोटरसाइकल दुर्घटना, एकको मृत्यु
प्रकाशित मिति : माघ २४, २०७६ शुक्रबार
रुपन्देहीको सैनामैना नगरपालिका २ कालिकाचोकमा मोटरसाइकल दुर्घटना हुँदा एकजनाको मृत्यु भएको छ । दुर्घटनामा परि मृत्यु हुनेमा रोल्पा नगरपालिका– ३ खुमलेका २५ बर्षका ताराप्रसाद केसी रहेका छन् ।
पश्चिमतर्फ जाँदै गरेको लु २६ प ८१८० नम्बरको मोटरसाइकलले लु २ ख ३७९८ नं को टिपरलाई उछिन्न खोज्दा अनियन्त्रित भई दुर्घटनामा परेको प्रहरीले जनाएको छ । दुर्घटनामा घाईते भएका उनको उपचारको क्रममा लुम्बिनी प्रादेशिक अस्पताल बुटवलमा मृत्यु भएको इलाका प्रहरी कार्यालय रन्यौरा मुर्गियाका प्रहरी निरीक्षक मनोज कुमार श्रेष्ठले जानकारी दिए ।
टिपर र चालक भने ईलाका प्रहरी कार्यालय मुर्गियाको नियन्त्रणमा रहेको छ ।