सुनको भाउ घट्यो
प्रकाशित मिति : माघ २८, २०७६ मंगलबार
मंगलबार सुनको मूल्यमा सामान्य रुपमा गिरावट आएको नेपाल सुनचाँदी व्यवसायी महासंघले जनाएको छ ।
महासंघका अनुसार सोमबार प्रतितोला ७६ हजारमा कारोबार भइरहेको छापावाल सुनको मूल्य मंगलबार प्रतितोला १ सयले घट्दै ७५ हजार ९ सयमा कारोबार भएको हो । यस्तै, मंगलबार तेजाबी सुन प्रतितोला ७५ हजार ६ सयमा कारोबार भैरहेको छ ।
यस्तै, आज चाँदीको मूल्य भने स्थिर रहेको छ । मंगलबार चाँदी प्रतितोला ८ सय ८० रुपैयाँमा कारोबार भइरहेको महासंघले जनाएको छ ।