२२८ विदेशी लिएर टाइटन काठमाडौंबाट लण्डन उड्यो
प्रकाशित मिति : बैशाख ५, २०७७ शुक्रबार
लकडाउनका कारण काठमाडौंमा अलपत्र परेका विदेशीहरुका लागि काठमाडौंस्थित संयुक्त अधिराज्य (बेलायत)ले झिकाएको तेस्रो तथा अन्तिम चार्टर उडान दुबई हुँदै लण्डनका लागि उडेको छ । चार्टर उडान २:४० मा लण्डनका लागि उडेको थियो । यस उडानमा बेलायतीसहित १९ मुलुकका २ सय २३ यात्रु तथा तीनका ५ जना शिशुसहित २ सय २८ यात्रु रहेका छन ।
बेलायती नागरिकहरुको बाहुल्यता रहेको यस उडानमा केहि नेपालीसहित सोमालिया, क्यानडा, संयुक्त राज्य अमेरिका, नेदरल्याण्ड, थाइल्याण्ड, फ्रान्स, बेल्जियम, स्पेन, स्विजरल्याण्ड, पोर्चुगल, इटाली, आयरल्याण्ड, मेक्सीको, डेनमार्क, अष्ट्रेलिया र ताइवानका यात्रु छन् । दुई सातायता बेलायती दूतावासले संयोजन गरेको यो तेस्रो चार्टर उडान हो ।