नेपालमा थप ४२५ जनामा कोरोना संक्रमण पुष्टि, सङ्ख्या ५ हजार ७ सय ६०
प्रकाशित मिति : जेष्ठ ३२, २०७७ आईतबार
नेपालमा थप ४२५ जनामा कोरोना संक्रमण पुष्टि भएको छ। पुरूष ३७५ र महिला ५० जना सङ्क्रमित भएका हुन् । योसँगै सङ्क्रमितको सङ्ख्या पाँचहजार ७६० पुगेको छ ।
आइतबार आयोजित नियमित पत्रकार सम्मेलनमा स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले सो कुरा बताउनुभएको हो ।
६ जना डिस्चार्ज
आइतबार ६ जना डिस्चार्ज भएकाले हालसम्म ९७४ जना डिस्चार्ज भएका छन् ।
थप एककाे मृत्यु
क्वारेन्टाइनमै मृत्यु भएका गुल्मीका ३६ वर्षका एक पुरुषमा कोरोना भाइरस पुष्टि भएको छ । उहाँ भारतबाट नेपालमा आएर क्वारेन्टाइनमा बस्नुभएको थियाे । उहाँको मृत्युसँगै नेपालमा भाइरसका कारण मृत्यु हुनेको सङ्ख्या १९ पुगेको छ ।
७३ वटा जिल्लामा भाइरस फैलियाे
यस्तै, पूर्वी रुकुममा पनि भाइरसको सङ्क्रमण देखिएकाले नेपालमा ७३ वटा जिल्लामा भाइरस फैलिएको छ ।