भारतको अवस्था भयावह बन्दै, एकै दिन २० हजारभन्दा बढीमा कोरोना पुष्टि
प्रकाशित मिति : असार १३, २०७७ शनिबार
कोरोना महामारीको चपेटामा परेको भारतमा पछिल्लो अवस्था भयावह बन्दै गएको छ । पछिल्लो २४ घण्टामा भारतमा २० हजारभन्दा बढी संक्रमित फेला परेको पुष्टि भएको छ । त्यस्तै शनिबारमात्रै भारतमा ४१४ जनाभन्दा बढी संक्रमितको मृत्यु भएको छ ।
योसँगै कोरोनाका कारण हालसम्म भारतमा १६ हजार १०३ जनाभन्दा बढीको ज्यान गएको छ । झण्डै ९ हजार संक्रमितको अवस्था गम्भीर रहेको छ ।
कोरोनाका कारण दिल्लीमा धेरेको बिचल्ली भएको अधिकारीहरुले बताएका छन् । एक अध्ययनले दिल्लीमा कोरोना समुदायमा फैलिसकेको र यसलाई बेलैमा गम्भीरतासँग नलिए ठुलो दुर्घटना हुन सक्ने बताइएको थियो । रिपोर्टका अनुसार कोरोना अनुपात झण्डै ३० प्रतिशत रहेको छ ।
पछिल्लो समय जसरी कोरोना संक्रमितको संख्या बढीरहेको यसले भारत सरकारलाई थप समस्यामा पार्ने अधिकारीहरुले जनाएका छन् । भारतमा हालसम्म ५ लाख २९ हजारभन्दा बढी संक्रमित रहेका छन् । त्यस्तै ३ लाख १० हजारभन्दा बढी संक्रमित निको भएर घर फर्किएका छन् ।एजेन्सी