दाङको तुलसीपुर कारागारमा एक कैदीबन्दीको मृत्यु
प्रकाशित मिति : असार २२, २०७७ सोमबार
![](https://i0.wp.com/www.khasokhas.com/wp-content/uploads/2020/07/jel-karagar.jpg?fit=1920%2C1000&ssl=1)
दाङको तुलसीपुर कारागारमा एक जना कैदीबन्दीको मृत्यु भएको छ। कपिलवस्तुको मायादेवी गाउँपालिका ४ निवासी ६९ वर्षीय अमिरुल्ला मुसलमानको सोमबार बिहान मृत्यु भएको तुलसीपुर कारागारले जनाएको छ । ठगी मुद्दामा २०७५ साल असोज १५ गते कारागार चलान गरिएका मुसलमानलाई २०७६ साल पुसको ९ गते दाङको तुल्सीपुर कारागार ल्याइएको थियो।
दीर्घरोगी मुलसमानलाई बिहान स्वास्थ्यमा एक्कासि गाह्रो भएपछि राप्ती प्रादेशिक अस्पताल लगिएकोमा बिहान करिब साढे ८ बजे मृत्यु भएको इलाका प्रहरी कार्यालय तुलसीपुर प्रहरी प्रमुख प्रहरी नायव उपरीक्षक शिवबहादुर सिंहले जानकारी दिए। अहिले शवलाई प्रादेशिक अस्पतालमा राखिएको प्रहरीले जनाएको छ।