नेपालमा २४ घण्टामा ५७६३ संक्रमित थपिए, १९ जनाको मृत्यु
प्रकाशित मिति : बैशाख १८, २०७८ शनिबार
२४ घण्टामा नेपालमा ५७६३ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा १४ हजार ९६९ जनाको पिसिआर र ५६६ जनाको एन्टीजेन विधिबाट परीक्षण गर्दा ५७६३ जनामा संक्रमण पुष्टि भएको हो।
योसँगै नेपालमा संक्रमित हुनेको सख्या तीन लाख २८ हजार ८९३ पुगेको छ। हाल नेपालमा सक्रिय संक्रमितको सख्ंया ४३ हजार २१३ पुगेको छ।
शनिबार एक हजार २८७ जना निको भई डिस्चार्ज भएका छन्। हालसम्म २ लाख ८२ हजार ३८२ संक्रमित निको भइसकेका छन्।
देशभर ६७ जना व्यक्ति क्वारेन्टाइनमा रहेको स्वास्थ्य मन्त्रालयले जनाएको छ।
पछिल्लो २४ घण्टामा १९ जना कोरोना संक्रमितको मृत्यु भएको छ। मन्त्रालयका अनुसार हालसम्म मृत्यु हुने संक्रमितको संख्या ३ हजार २९८ पुगेको छ।