नेपालमा ८१६७ जनामा संक्रमण पुष्टि, १८७ को मृत्यु
प्रकाशित मिति : जेष्ठ १, २०७८ शनिबार
नेपालमा पछिल्लो २४ घण्टामा ८ हजार १ सय ६७ जनामा संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा १७ हजार ९ सय ७१ जनाको आरटी पिसीआर विधिबाट र ५ सय ७७ जनाको एन्टिजेन विधिबाट गरिएको परीक्षणमा उक्त संख्यामा संक्रमण पुष्टि भएको हो।
योसँगै नेपालमा संक्रमितको संख्या ४ लाख ४७ हजार ७ सय ४ पुगेको छ। यस्तै, २४ घण्टामा १ सय ८७ जनाको मृत्यु भएको छ। नेपालमा कोरोना संक्रमणबाट मृत्यु हुनेको संख्या ४ हजार ८ सय ५६ पुगेको छ।
नेपालमा सक्रिय संक्रमितको संख्या १ लाख ९ हजार ७ सय ४० पुगेको छ भने हालसम्म ३ लाख ३३ हजार १ सय ८ जना निको भइसकेका छन्।