कोरोना महामारी : २४ घण्टामा निको हुनेको संख्या ७८९०, नयाँ संक्रमित ८६०७
प्रकाशित मिति : जेष्ठ ७, २०७८ शुक्रबार
नेपालमा कोरोना संक्रमणबाट निको हुनेको संख्या बढ्दै गएको छ। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ७८९० जना संक्रमणमुक्त भएका छन्।
योसँगै नेपालमा कोरोनामुक्त हुनेको संख्या ३ लाख ७४ हजार ८३६ पुगेको छ।
यस्तै, पछिल्लो २४ घण्टामा देशभर ८६०७ जना नयाँ संक्रमित थपिएका छन्। २४ घण्टामा देशभरका विभिन्न प्रयोगशालामा गरी २२ हजार ३५३ पिसिआर र ८७३ एन्टिजेन परीक्षणमा उक्त संख्यामा संक्रमण पुष्टि भएको हो।
योसँगै नेपालमा पिसिआर परीक्षणबाट संक्रमित पुष्टि हुनेको कुल संख्या ५ लाख १ हजार १०६ जना पुगेको छ।
अहिले देशभर सक्रिय संक्रमितको संख्या १ लाख १६ हजार १९२ पुगेको स्वास्थ्य मन्त्रालयले जनाएको छ।
यस्तै, पछिल्लो २४ घण्टामा १७७ जना संक्रमितको मृत्यु भएको छ। नेपालमा कोरोनाबाट मृत्यु हुनेको संख्या ६०२४ पुगेको छ।
शुक्रबार क्वारेन्टाइनमा ९ सय १२ जना संक्रमित छन्।