विवेकशील साझाका पूर्वअध्यक्ष उज्वल थापाको निधन
प्रकाशित मिति : जेष्ठ १८, २०७८ मंगलबार
विवेकशील साझा पार्टीका पूर्वअध्यक्ष उज्ज्वल थापाको निधन भएको छ। उनको उपचारका क्रममा मेडिसिटी अस्पतालमा निधन भएको हो। उपचारमा सम्लग्न एक चिकित्सकले थापाको निधन भएको पुष्टि गरे।
दुई साताअघि कोरोना संक्रमित भएपछि उनलाई सुरुमा ह्याम्स अस्पताल भर्ना गरिएको थियो। त्यसपछि उनलाई ग्राण्डी अस्पताल र त्यसपछि मेडिसिटी अस्पताल भर्ना गरिएको थियो। उपचारका क्रममा कोरोना नेगेटिभ आए पनि अवस्था गम्भीर बनेको थियो।
थापाको एक्स्ट्राकर्पोरियल मेम्ब्रेन अक्सिनेसन (एक्मो) विधिमार्फत् उपचार गरिएको थियो।