दैनिक संक्रमित र मृत्यु घट्दै, ५०४२ संक्रमित थपिए, ६८ को मृत्यु
प्रकाशित मिति : जेष्ठ २२, २०७८ शनिबार
नेपालमा कोरोना संक्रमितको संख्या घट्ने क्रमसँगै दैनिक मृत्युको संख्या घट्दै गएको छ। निको हुनेहरुको संख्या पनि बढ्दै गएको छ।
पछिल्लो २४ घण्टामा ८ हजार २ सय ४३ जनाले कोरोना जितेका छन्। योसँगै नेपालमा कोरोनामुक्त हुनेको संख्या ४ लाख ८४ हजार ३ सय ७३ पुगेको छ।
यस्तै, सक्रिय संक्रमितको संख्या पनि घट्दै गएर १ लाखभन्दा कम भएको छ। हालसम्म देशभर ९२ हजार ९ सय २८ सक्रिय संक्रमित छन्।
यस्तै, पछिल्लो २४ घण्टामा नेपालमा ५ हजार ४२ जना संक्रमित थपिएका छन्। योसँगै नेपालमा कूल संक्रमितको संख्या ५ लाख ८५ हजार १ सय पुगेको छ। उपत्यकामा पनि संक्रमितको संख्या घटेको छ। २४ घण्टामा उपत्यकामा ९३७ संक्रमित थपिएका छन्। जसमध्ये काठमाडौंमा ७२३, भक्तपुरमा ७३ र ललितपुरमा १४१ छन्।
नेपालमा पछिल्लो २४ घण्टामा ६८ जनाको मृत्यु भएको छ। हालसम्म कोरोना संक्रमणबाट मृत्यु भएकाहरुको संख्या ७ हजार ७ सय ९९ पुगेको छ।