नेपालमा २२९९ जनामा संक्रमण पुष्टि, ३४ काे मृत्यु
प्रकाशित मिति : असार १८, २०७८ शुक्रबार
नेपालमा २४ घन्टामा २ हजार २९९ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार १० हजार ५९६ नमुना परीक्षण हुँदा २ हजार २९९ जनामा संक्रमण पुष्टि भएको हो।
शुक्रबारसम्म देशभर सक्रिय संक्रमितको संख्या २९ हजार २७४ छ।
त्यसैगरी, २४ घण्टामा ३ हजार ४५१ संक्रमणमुक्त भएका छन्। मन्त्रालयको तथ्यांक अनुसार हालसम्म ६ लाख ३ हजार ६ सय संक्रमणमुक्त भइसकेका छन्।
शुक्रबार कोरोना संक्रमणबाट ३४ जनाको निधन भएको छ। योसँगै कोरोनाबाट निधन हुनेको संख्या ९ हजार १७९ पुगेको छ।
यस्तै, उपत्यकामा ४२८ संक्रमित थपिएका छन्। जसमा काठमाडौंका ३१६, भक्तपुरका ३४ र ललितपुरका ७८ जना रहेको मन्त्रालयले जनाएको छ।।