देशभर २३७० काेराेना संक्रमित थपिए, १८ काे मृत्यु
प्रकाशित मिति : असार २८, २०७८ सोमबार
देशभर २ हजार ३७० नयाँ कोरोना संक्रमित थपिएका छन्। स्वास्थ्य तथा जनसंख्या मन्त्रालयको तथ्याङक अनुसार ७६८९ जनामा पिसिआर र ३८९५ जनामा एन्टिजेन परीक्षण गर्दा उक्त संख्यामा संक्रमण पुष्टि भएको हो। योसँगै नेपालमा कूल संक्रमितको संख्या ६ लाख ५७ हजार १सय ३९ पुगेको छ।
काठमाडौंमा २८९, भक्तपुरमा ५४ र ललितपुरमा ९० गरी उपत्यकामा ४३३ नयाँ संक्रमित थपिएका छन्। हाल देशभर सक्रिय संक्रमितको संख्या २६ हजार ७ सय १२ छ।
संक्रमणकै कारण १८ जनाको मृत्यु भएको छ। योसँगै हालसम्म देशभर मृत्यु हुनेको संख्या ९४०० पुगेको छ। त्यस्तै २४ घण्टामा संक्रमणमुक्त भई ११३३ जना घर फर्केका छन्। नेपालमा हालसम्म संक्रमणमुक्त हुनेको संख्या ६ लाख २१ हजार २७ रहेको छ।