नेपालमा थपिए २२३७ कोरोना संक्रमित, १८ को मृत्यु
प्रकाशित मिति : श्रावण १०, २०७८ आईतबार
नेपालमा गत २४ घण्टामा २२३७ कोरोना संक्रमित थपिएका छन्। १० हजार ५६९ जनामा पिसिआर परीक्षण गर्दा १५३९ र ३ हजार २६५ जनामा एन्टिजेन परीक्षण गर्दा ६९८ जनामा संक्रमण पुष्टि भएको हो। थपिएका संक्रमितमध्ये काठमाडौंमा ४६८, भक्तपुरमा ६९ र ललितपुरमा ८९ छन्।
स्वास्थ्य तथा जनसंख्या मन्त्रालयका अनुसार यो अवधिमा १८ जनाको मृत्यु भएको छ। हालसम्म देशभर कोरोना संक्रमणबाट मृत्यु हुनेको संख्या ९७१३ पुगेको छ।
त्यस्तै २०५० जना कोरोना संक्रमणबाट मुक्त भएका छन्। हालसम्म ६ लाख ४३ हजार ६१५ जना कोरोनामुक्त भएका छन्। मन्त्रालयको तथ्यांकअनुसार निको हुने दर ९४ प्रतिशत रहेको छ भने मृत्युदर १.४३ प्रतिशत छ।