भदौ ११ देखि काठमाडौंमा भेरोसेलको दोस्रो डोज दिइने, कसले पाउने? खोप केन्द्र कहाँ–कहाँ?
प्रकाशित मिति : भाद्र ९, २०७८ बुधबार
काठमाडौंमा भदौ ११ गतेदेखि ३ दिन भेरोसेल खोपको दोस्रो डोज दिइने भएको छ।
जिल्ला स्वास्थ्य कार्यालयका अनुसार भेरोसेलको पहिलो डोज लगाएका ५० वर्षभन्दा माथि उमेर समूहका नागरिक, विश्वविद्यालय र विद्यालयका प्राध्यापक, शिक्षक र कर्मचारी, सार्वजनिक यातायातका चालक, सहचालक, नेपाल सरकारले तोकेको अत्यावश्क सेवामा कार्यरत व्यक्तिहरु, खोप अनिवार्य गरिएका देशमा जाने नेपाली नागरिक र यसअघि भेरोसेलको दोस्रो डोज लगाउन छुटेका नागरिकलाई दोस्रो डोज खोप दिन लागिएको हो।
दोस्रो डोज लगाउन पहिलो मात्रा डोज लगाएको खोपकार्ड र विद्युतीय दर्ता गरेको प्रिन्ट वा फोटोसहितको नम्बर ल्याएको आधारमा खोप दिइने जिल्ला स्वास्थ्य कार्यालयले जनाएको छ।
