रुपन्देहीको मोतिपुर औद्योगिक क्षेत्रको झडपमा घाईते भएका तीन जनाको मृत्यु,३१ जना घाइते
प्रकाशित मिति : आश्विन २४, २०७८ आईतबार
रुपन्देहीको मोतिपुर औद्योगिक क्षेत्रमा आइतवार भएको झडपमा घाईते भएका तीन जनाको मृत्यु भएको छ । थप तिन जनाको अवस्था गम्भिर रहेको र उनीहरु मध्ये १ जनाको भेन्टीलेटरमा राखेर उपचार भईरहेको अस्पतालले जनाएको छ ।
मेडिकल कलेज भैरहवामा उपचार गराइरहेका १३ जना मध्ये ३ जनाको मृत्यु भएको हो । मेडिकल कलेजमा अहिले ५ जना प्रहरी र ५ जना सर्वसाधारणको उपचार भइरहेको छ । यसैगरी लुम्बिनी प्रदेश अस्पतालमा पनि गोली लागेका ६ जनाको उपचार भइरहेको अस्पतालले जनाएको छ । प्रहरी स्रोतका अनुसार १५ जना सर्वसाधारण र १६ जना प्रहरी घटनामा घाइते भइ उपचारत रहेका छन् । औद्योगिक क्षेत्रमा अस्थायी रुपमा बनाइएका टहराहरू भत्काउन खोज्दा सुकुम्बासी र प्रहरीबीच झडप भएको हो ।