बाढी पहिरोबाट ९२ जनाको मृत्यु, ४२ सम्पर्क विहीन
प्रकाशित मिति : कार्तिक ४, २०७८ बिहीबार
अविरल वर्षासँगै आएको बाढी र पहिरोमा परेर मृत्यु हुनेको संख्या ९२ पुगेको छ । असोज ३१ देखि शुरु भएको वर्षाका कारण ९२ जनाको मृत्यु भएको प्रहरी प्रधान कार्यालयले जनाएको छ ।
बाढी र पहिरोका कारण ४२ जना सम्पर्क विहीन भएका छन् । वर्षाका कारण प्रदेश–१ मा मात्रै ५३ जनाको ज्यान गएको छ । सुदूरपश्चिम प्रदेशमा अहिलेसम्म ३० जनाको मृत्यु पुष्टि भएको प्रहरी जानकारी दिएको छ ।