रूसले बम हानेर प्रसूति अस्पताल ध्वस्त पार्यो : युक्रेन (भिडियो)
प्रकाशित मिति : फाल्गुन २५, २०७८ बुधबार
रुसले युक्रेनमा युद्धको बारेमा बारम्बार दाबी गर्दै आएको छ कि उसले आवासीय क्षेत्रमा आक्रमण नगर्ने, तर अहिले त्यस्तो भएको देखिँदैन। युक्रेनी अधिकारीहरूले रुसी आक्रमणले दक्षिणपूर्वी बन्दरगाह सहर मारिउपोलमा रहेको बालबालिकाको अस्पताल र प्रसूति अस्पताललाई निशाना बनाएको बताए। बुधबार नगर परिषद्को सामाजिक सञ्जालमा जारी एक विज्ञप्तिमा भनिएको छ ‘ अस्पतालमा ठूलो क्षति भएको छ ।’
रिपोर्टका अनुसार यस हमलामा १७ जना घाइते भएका छन् भने कैयौं मानिस र बालबालिका भग्नावशेषमा भवनमा फसेका छन् । युक्रेनका राष्ट्रपति भोलोडिमिर जेलेन्स्कीले आक्रमणको भिडियो ट्वीट गर्दै भनेका छन् ‘मानिसहरू, बालबालिकाहरू भग्नावशेष मुनि दबिएका छन्।’
जेनेन्स्कीले अस्पतालमा रूसी सेनाले गरेको हवाई आक्रमणको भत्र्सना गर्दै -रूसी सेनाले प्रसूति अस्पतालमा सीधै बमबारी गरेको छ । यो अत्याचार र आतंकलाई विश्वले कहिलेसम्म सहेर बस्नेछ ? युक्रेनको आकाशलाई नो फ्लाइ जोन घोषणा नगरेकोप्रति कडा आक्रोश पनि पोखेका छन् । तत्कालै आकाश बन्द गरी हत्या रोक्न भन्दै उनले नेटोसँग शक्ति भएको, तर मानवता गुमेको हेरिरहेको आरोप लगाएको छन् । जेलेन्स्कीको कार्यालयका उपप्रमुख किरिलो ताइमोशेन्कोले अधिकारीहरूले मारिएका वा घाइतेहरूको सङ्ख्या पत्ता लगाउन प्रयास गरिरहेको बताए।
युक्रेनी राष्ट्रपतिले फेरि युक्रेन र त्यहाँका जनताले अन्तिमसम्म लड्ने बताएका छन् । कुनै पनि परिस्थितिमा, रूसी सेनाले युक्रेन छोड्नु पर्छ। रुसले पनि वार्ताबाट समस्या समाधान गर्ने प्रस्ताव राखेको थियो तर मान्न तयार छैन । अर्कोतर्फ रुसले पनि आफ्नो आक्रमणलाई निरन्तरता दिइरहेको छ । नेटोमा सामेल नहुने जेलेन्स्कीको बयानपछि, यो युद्ध छिट्टै रोकिने अपेक्षा गरिएको छ। एजेन्सीको सहयोगमा
Mariupol. Direct strike of Russian troops at the maternity hospital. People, children are under the wreckage. Atrocity! How much longer will the world be an accomplice ignoring terror? Close the sky right now! Stop the killings! You have power but you seem to be losing humanity. pic.twitter.com/FoaNdbKH5k
— Володимир Зеленський (@ZelenskyyUa) March 9, 2022