युक्रेनको राजधानी कीभदेखि रुसी सेना जम्मा २५ किलोमिटर टाढा छ : बेलायत
प्रकाशित मिति : फाल्गुन २८, २०७८ शनिबार
पछिल्लो गुप्तचरको सूचनाको आधारमा बेलायतको रक्षा मन्त्रालयले युक्रेनको राजधानी कीभको सहरी केन्द्रबाट रुसी सेनाको टुकडी मात्र २५ किलोमिटर टाढा रहेको बताएको छ ।
मन्त्रालयले राजधानीको उत्तरपट्टि रहेको रूसी सेनाको ठूलो समूहलाई विभिन्न टुकडीहरूमा विभाजन गरिएको बताएको छ । यसले शहरलाई घेर्न मद्दत गर्ने उद्देश्यले गरिएको हुनसक्ने बेलायतको भनाइ छ ।
‘रूसी सेनाले युक्रेनको प्रति आक्रमणमा कम क्षति भोग्नका लागि पनि यो रणनीति हुनसक्छ किनभने यसले युक्रेनी सेनाको आक्रमणबाट धेरै क्षति भोगिसकेको छ’ मन्त्रालयको भनाइ छ । यसबाहेक देशको चार्नीहेव, खर्कीभ, मारियुपल र सुमीलाई रुसी सेनाले घेरा हालेको छ र यी शहरहरुमा लगातार आक्रमण भइरहेको छ ।
यता युक्रेनले आगामी घण्टामा बेलारुस पनि रुसी आक्रमणमा सामेल हुन सक्ने बताएको छ । रुसले युक्रेनका थप केही सहरमा आक्रमण गरेर आफ्नो पकड बढाएको छ ।
Latest Defence Intelligence update on the situation in Ukraine – 12 March 2022
Find out more about the UK government's response: https://t.co/UIDAtnUZ80
🇺🇦 #StandWithUkraine 🇺🇦 pic.twitter.com/3eqsm7jHwU
— Ministry of Defence 🇬🇧 (@DefenceHQ) March 12, 2022