अमेरिकी सहायकमन्त्री डोनाल्ड लू काठमाडौं आइपुगे
प्रकाशित मिति : श्रावण १२, २०७९ बिहीबार
अमेरिकी सहायक विदेशमन्त्री डोनाल्ड लू काठमाडौं आइपुगेका छन् । दक्षिण तथा मध्य एसियाली ममिलासम्बन्धी सहायक विदेशमन्त्री लू आज अपरान्ह काठमाडौं आइपुगेका हुन् ।
नेपालस्थित अमेरिकी दूतावासले लूको नेपाल भ्रमण नियमित भएको जनाएको छ ।
अमेरिकी दूतावासले सामाजिक सञ्जाल फेसबुक मार्फत भनेको छ, ‘यो पटकको भ्रमणका अवसरमा पनि उहाँले विभिन्न व्यवसायिक, नागरिक, तथा सरकारी नेतृत्वकर्ताहरूसँग नेपाल–अमेरिका बीचको ७५ वर्ष लामो मित्रताका विविध आयाम, दुई देशको आर्थिक विकासप्रतिको प्रतिवद्धता, लोकतन्त्र तथा मानव अधिकार, लगायत विषयमा कुराकानी गर्नुहुनेछ ।’
काठमाडौंस्थित अमेरिकी दूतावासले केही समयअघि लू काठमाडौं आइपुगेको जनाएको हो ।