बेलायतद्वारा गणेशको तस्बिरसहितको सुनको बिस्कुट सार्वजनिक
प्रकाशित मिति : श्रावण १७, २०७९ मंगलबार
बेलायतले गणेशको तस्बिरसहितको सुनको बिस्कुट सार्वजनिक गरेको छ । बेलायतको रोयल मिन्टले गणेश चतुर्थी अगाडि भगवान गणेशको तस्बिरसहितको सुनको बिस्कुट जारी गरेको छ । यो सातादेखि २० ग्राम तौलका बिस्कुट अनलाइनबाटै बिक्री हुने भएको छ । एउटा बिस्कुटको मूल्य १११०.८० पाउन्ड रहेको बताइएको छ ।
गत वर्ष दीपावलीमा रोयल मिन्टले लक्ष्मीको छविसहितको बिस्कुट जारी गरेको थियो । दुवै बिस्कुट नोबेल नामका डिजाइनरले बनाएका हुन् । नयाँ सिक्कामा गणेशको हातमा थाली र खुट्टामा लड्डू राखिएको छ ।
रोयल मिन्टले आफ्नो ट्वीटरमा लेखेको छ, ‘ भगवान गणेशलाई रोयल मिन्टले पहिलो पटक २० ग्राम सुनको बिस्कुटमा सम्मान गरेको छ।’