अध्यक्ष प्रचण्डले गरे,आणविक बम खसालिएको हिरोसिमा सहरको संग्रहालयको अवलोकन (फोटोफिचर)
प्रकाशित मिति : श्रावण २२, २०७९ आईतबार
पाँच दिने जापान भ्रमणमा रहेका माओवादी केन्द्रका अध्यक्ष पुष्पकमल दाहाल प्रचण्डले आणविक बम खसालिएको हिरोसिमा सहरस्थित संग्रहालय अवलोकन गरेका छन् । उनले भ्रमण टोलीका सदस्यहरुसहित आज संग्रहालय अवलोकन गरेका हुन् ।
दोस्रो विश्वयुद्धको क्रममा अमेरिकाले दुई जापानी सहर हिरोसिमा र नागासाकीमा परमाणु बम खसालेको थियो । परमाणु बमले कतिको मृत्यु भयो भन्ने यकिन तथ्यांक छैन । तर हिरोसिमाका तीन लाख ५० हजार जनसंख्यामध्ये एक लाख ४० हजार र नागासाकीमा कम्तीमा ७४ हजार जना मानिस मरेको अनुमानित तथ्यांक रहेको बीबीसी नेपाली सेवाको एक रिपोर्टमा उल्लेख छ ।
जापानको भ्रमणको लागि माओवादी अध्यक्ष यही साउन २० गते त्यसतर्फ प्रस्थान गरेका थिए ।तस्वीर : प्रचण्डको सचिवालय
