रुपन्देहीमा गोली चल्यो, एकजना युवक घाइते
प्रकाशित मिति : श्रावण २९, २०७९ आईतबार
अज्ञात समूहले चलाएको गोली लागेर ३१ वर्षका विकास गुरुङ घाइते भएका छन् । रुपन्देहीको ओमसतिया–४ स्थित वसन्तपुरमा गोली चलेको रुपन्देही प्रहरीले जनाएको छ ।
सिद्धार्थनगर नगरपालिका–१ बेलहिया घर भएका विकास गुरुङलाई गोली हानेपछि लुटेरा समूहले नजिकै रहेको सिद्धार्थ कटेज (ढावा पसल)बाट पैसा लुटेर भागेका छन् ।
राति पौने १२ बजेतिर गोली प्रहार भएको र घटनाबारे अनुसन्धान भइरहेको प्रहरीले जनाएको छ । घाइतेको युनिभर्सल मेडिकल कलेज भैरहवामा उपचार भइरहेको छ ।
कटेजबाट २ तोला सुन र केही नगद चोरी भएको बताइएको छ। लुटेर भागेको उक्त समुहको गुरूङसँग भेट भएपछि गोली चलाएको हुनसक्ने अनुमान गरिएको छ।
गुरुङमाथि गोली चलाउने र चरीमा संलग्न समूहको खोजी भइरहेको प्रहरीले जनाएको छ।