रुसद्धारा यूक्रेनको आणविक प्लान्ट नजिकै मिसाइल प्रहार, चार बालबालिकासहित १२ जना घाइते
प्रकाशित मिति : भाद्र ४, २०७९ शनिबार
युक्रेनको दक्षिणी भोजनेसेन्स्क सहरमा भएको रुसी मिसाइल आक्रमणमा चार बालबालिकासहित १२ जना घाइते भएको बताइएको छ । रुसको मिसाइल आक्रमण युक्रेनको दोस्रो ठूलो आणविक प्लान्ट पिव्डेनोक्रेन्स्कबाट ३० किलोमिटर टाढा भएको थियो। युक्रेनले यसलाई रुसको आणविक आतंकवाद भनेको छ । मिकोलेभका गभर्नर भिटाली किमले आक्रमणमा पाँच तले अपार्टमेन्ट र केही अन्य घरमा क्षति पुगेको बताए।
युक्रेनका अनुसार रुसी सेनाले सुरुदेखि नै आफ्ना चारवटा सञ्चालनमा रहेका आणविक संयन्त्र कब्जा गर्ने प्रयास गरिरहेको छ । जापोरिजियाको सबैभन्दा ठूलो आणविक उर्जा प्लान्ट रुसको नियन्त्रणमा गयो, रसियाली सेनाहरूले बाँकी कब्जा गर्न बारम्बार आक्रमण गर्दै आएका छन्। यसैबीच, हालैका दिनहरूमा खार्किभमा रुसी आक्रमणमा मृत्यु हुनेको संख्या २१ पुगेको छ।