रुसको एक विद्यालयमा गोली चल्दा ६ जनाको मृत्यु, २० घाइते
प्रकाशित मिति : आश्विन १०, २०७९ सोमबार
मध्य रुसको इजेभस्क शहरको एक विद्यालयमा गोली चलेको छ । घटनामा परी ६ जना बालबालिकाको मृत्यु हुनुको साथै अन्य २० घाइते भएको आन्तरिक मन्त्रालयले सोमबार जानकारी दिएको छ ।
पीडितहरूको विषयमा हाल विस्तृत विवरण भने प्राप्त नभएको पनि मन्त्रालयले थप जानकारी दिएको छ । गोली चलाउने व्यक्तिको शव अहिले प्रहरीले फेला पारेको बताइएको छ ।
उनले आत्महत्या गरेका जनाइएको छ ।
उनको घृणित कार्यबाट छ जनाको मृत्यु हुनुको साथै २० जना घाइते भएका मन्त्रालयले टेलिग्राममा जानकारी दिएको छ । यस शहरका गभर्नर अलेक्जेन्डर ब्रेचालोभले मृत्यु हुनेमा बालबालिका रहेको पुष्टि गर्नुभएको छ ।