आमाको गुमाएको दुई महिना पछि साउथ सुपरस्टार महेश बाबुका पिता कृष्णाको पनि निधन
प्रकाशित मिति : कार्तिक २८, २०७९ सोमबार
साउथ सुपरस्टार महेश बाबुका पिता कृष्णाको निधन भएको छ । मंगलबार (नोभेम्बर १५) मा बिहान ४ हृदयघातका कारण निधन भएको हो । उनलाई श्वासप्रश्वासमा समस्या देखिएपछि १४ नोभेम्बरमा हैदरावादको कन्टिनेन्टल अस्पतालमा भर्ना गरिएको थियो । तर ८० वर्षको उमेरमा उनीले संसारबाट बिदा भए ।
उनलाई नोभेम्बर १५ गते राति १ः१५ बजे आकस्मिक विभागमा ल्याइएको र त्यसपछि हृदयघातका कारण मृत्यु भएको अस्पतालका चिकित्सकले बताएका छन् । चिकित्सकका अनुसार अभिनेता कृष्णलाई पनि सीपीआर गरिएको थियो र उनलाई पनि उपचार र अवलोकनका लागि आईसीयूमा सारिएको थियो । अभिनेताको अवस्था नाजुक रहेको र भेन्टिलेटरमा राखेर उपचार भइरहेको थियो ।
टलिउडका चर्चित सुपरस्टार कृष्णको पूरा नाम कृष्णा घट्टमनेनी हो । उनले ३५० फिल्ममा अभिनय गरेका छन् । उनी आफ्नो समयका शीर्ष कलाकार मध्येका एक थिए । यसबाहेक उनी एक सफल निर्देशक र निर्माता थिए। उनलाई सन् २००९ मा पद्मभूषणबाट पनि सम्मानित गरिएको थियो ।
महेशका बाबु भन्दा पहिले उनकी आमा इन्दिरा देवीको सेप्टेम्बर २०२२ मा निधन भएको थियो । यसै क्रममा अभिनेताका जेठा भाइ रमेश बाबुको पनि जनवरी २०२२ मा निधन भएको थियो । यसबाहेक अभिनेता कृष्णकी पहिलो पत्नी विजय निर्मलाको पनि २०१९ मा निधन भएको थियो ।