बर्षमान पुनको स्वास्थ्यमा सुधार, १ साता भित्र स्वदेश फर्किने
प्रकाशित मिति : पुस १, २०७९ शुक्रबार
नेकपा माओवादी केन्द्रका उपमहासचिव वर्षमान पुनको स्वास्थ्यमा सुधार आएको छ। उनी उपचारका लागि चीनमा छन्। स्वास्थ्यमा सुधार आएकोले उनी अब एक सातापछि नेपाल फर्कने उनको सचिवालयले जानकारी दिएको छ।
वर्षमान केही समयदेखि वंशाणुगत जण्डिसबाट पीडित छन्।
चुनावी धपेडीका कारण जण्डिस फेरि बल्झिएपछि उनी गत मंसिर १६ गते फलोअप उपचारका लागि चीनको सेनजेनस्थित थर्ड पिपुल्स अस्पतालमा उपचार गर्न पुगेका थिए।
वर्षमानको शरिरमा हाल जण्डिसको मात्रा २० बिन्दुमा झरेको छ। उपचारमा जाँदा बिलरुबिनको मात्रा २७ थियो। पूर्वसभामुख एवं माओवादी स्थायी समिति सदस्य ओनसरी घर्ती अनुसार आगामी मंगलबार नेता पुन नेपाल फर्कने सम्भावना छ।