फिफा विश्वकप : मेस्सीले किन लगाए कालो गाउन, के छ यसको महत्व ?
प्रकाशित मिति : पुस ४, २०७९ सोमबार
अर्जेन्टिनाले फिफा विश्वकप २०२२ को रोमाञ्चक फाइनलमा फ्रान्सलाई ४-२ ले हराएर च्याम्पियनको रूपमा आफ्नो ३६ वर्षको खडेरीको अन्त्य गरेको छ। योसँगै २० वर्षपछि पहिलो पटक गैर युरोपेली राष्ट्रले फिफा उपाधि उचालेको हो । कतारको लुसेल रंगशालामा खेलिएको यो फाइनललाई फिफा इतिहासकै सबैभन्दा रोमाञ्चक उपाधि भिडन्त पनि मानिएको थियो । खेलको अन्तिम मिनेटसम्म दुवै टोलीले आ–आफ्नो सास रोकेका थिए । तर, खेल पेनाल्टी सुटआउटमा अर्जेन्टिनाले ४–२ ले जित्यो । यो जितको केही समयपछि लियोनल मेस्सीको सपना उनको हातमा थियो ।
च्याम्पियन बनेपछि मेस्सी विश्वकप ट्रफी लिन जाँदा मिर तमिम बिन हमाद अल थानीले उनलाई कालो गाउन लगाएका थिए । मेस्सीले यो गाउन लगाएको देखेर धेरैको मनमा यो प्रश्न उठेको हुनुपर्छ कि उनले देशको जर्सीमाथि यो कालो गाउन किन लगाएका हुन् । वास्तवमा, मेस्सीले लगाएको गाउन सामान्य कपडा थिएन।
लियोनल मेस्सीले ट्रफी उचाल्ने क्रममा लगाएको कालो गाउनलाई बिष्ट भनिन्छ । यो गाउन धेरै विशेष सामग्रीबाट बनाइएको छ। यसलाई बनाउन ऊँटको कपाल र बाख्राको ऊन प्रयोग गरिन्छ। मीर तमिम बिन हमाद अल थानी पनि शाही परिवारसँग सम्बन्धित छन्। यस्तो अवस्थामा लियोनल मेस्सीको विशेष महत्व उनले लगाएको गाउनबाट बुझ्न सकिन्छ । विश्व च्याम्पियन बनेसँगै मेस्सीले कतारमा विशेष हैसियत पनि पाएका छन् ।