आइपीएल लिलामी : ह्यारी ब्रुकलाई सनराइजर्स हैदरावादले किन्यो १३.२५ करोडमा
प्रकाशित मिति : पुस ८, २०७९ शुक्रबार
बेलायती ब्याट्सम्यान ह्यारी ब्रुकलाई सनराइजर्स हैदरावादले आईपीएल २०२३ को लागि १३.२५ करोडमा किनेको छ । ब्रुकले पाकिस्तानविरुद्धको पछिल्लो टेष्ट सिरिजमा सर्वाधिक रन बनाएका थिए ।
यस सिरिजमा उनले ९३.६० को औसतमा ४६८ रन जोडे जसमा तीन शतक र एक अर्धशतक समावेश थियो। उनी यो टेस्ट सिरिजको म्यान अफ द सिरिज समेत बनेका थिए ।
सेप्टेम्बर–अक्टोबरमा पाकिस्तानविरुद्ध खेलेको सात खेलको टी–२० सिरिजमा पनि उत्कृष्ट प्रदर्शनका कारण उनी ‘म्यान अफ द सिरिज’ बनेका थिए । उनले सात पारीमा ७९.३३ को औसतमा २३८ रन बनाए, जसमा एक अर्धशतक र ८१ रनको उत्कृष्ट स्कोर समावेश थियो।