साम करन अहिलेसम्मकै महँगो खेलाडी, पञ्जाब किंग्सले १८.५० करोड भारुमा किन्यो
प्रकाशित मिति : पुस ८, २०७९ शुक्रबार
आइपिएलको आगामी सिजनका लागि पञ्जाब किंग्सले साम करणलाई कीर्तिमानी १८.५० करोड (भारतीय रुपैँया) मा किनेको छ ।
साम इंग्ल्याण्डका बायाँ हाते ब्याट्सम्यान हुन्। साथै, उनी मध्यम र द्रुत गतिमा बलिङ गर्न सक्छन्। सामलाई उत्कृष्ट अलराउन्डर भनिन्छ, जसका कारण ६ टोलीले उनलाई आफ्नो टोलीमा समावेश गर्न आग्रह गरेका हुन सक्छन् ।
सामलाई लिने निर्णय गर्ने दुई टोलीमध्ये एउटा मुम्बई इन्डियन्स थियो। साम करणले टी-२० खेलमा उत्कृष्ट प्रदर्शन गरेका छन् ।
उनले यसअघि दुई अन्य आईपीएल टोलीसँग खेलिसकेका छन् । उनले १४५ टी–२० खेलमा १७३१ रन र १४९ विकेट लिएर उत्कृष्ट प्रदर्शन गरेका छन् । उनको ब्याटिङ स्ट्राइक रेट १३६ रहेको छ ।