गृहमन्त्री रवि लामिछानेले गरे राहदानी विभागको अनुगमन
प्रकाशित मिति : पुस १३, २०७९ बुधबार
गृहमन्त्री रवि लामिछानेले राहदानी विभागको अनुगमन गरेका छन् । बुधबार उनले त्रिपुरेश्वरस्थित राहदानी विभागको अनुगमन गरेका हुन् । राहदानी बनाउने सेवाग्राही रातिदेखि नै लाइनमा लाग्नुपर्ने बाध्यता रहेको भन्दै सरकारको आलोचना भइरहेका बेला उपप्रधानमन्त्री लामिछाने विभागको अनुगमनमा गएका हुन् ।
अनुगमनका क्रममा उनले विभागका कर्मचारीसँग कुराकानी गरेका थिए । साथै सेवाग्राहीको समस्याबारे पनि जानकारी लिएका थिए ।
मन्त्रिपरिषद्को पहिलो बैठकले राहदानी विभागको सेवा प्रवाहमा सुधार ल्याएर लाइन लाग्नुपर्ने अवस्थाको अन्त्य गर्ने निर्णय गरेको थियो ।