अमेरिकाको लस एन्जलसमा गोली चल्दा ९ जनाको मृत्यु
प्रकाशित मिति : माघ ८, २०७९ आईतबार
अमेरिकाको क्यालिफोर्नियामा गोली चल्दा ९ जनाको मृत्यु भएको छ । लस एन्जलसबाट करिब १२ किलोमिटर पूर्वमा रहेको मोन्टेरे पार्कमा गोली हानाहान भएको हो । घाइतेको संख्या कति छ भन्नेबारे प्रहरीले केही बताएको छैन ।
यहाँ चिनियाँ नयाँ वर्ष मनाइँदै थियो, जसका कारण हजारौं मानिसहरू भेला भएका थिए। गत वर्ष साताव्यापी नयाँ वर्ष महोत्सवमा एक लाखभन्दा बढी मानिस भेला भएका थिए ।
सामाजिक सञ्जालमा भाइरल भएको भिडियोमा पार्कमा ठूलो संख्यामा प्रहरीको उपस्थिति रहेको देख्न सकिन्छ । लस एन्जलस काउन्टी सेरिफको कार्यालयले एक विज्ञप्तिमा गोली हान्ने व्यक्ति पुरुष भएको बताएको छ। तर, उनलाई पक्राउ गरिएको हो वा होइन भन्ने खुल्न सकेको छैन ।