आईपीएल-२०२३ को आठौं खेल : आज राजस्थान रोयल्स र पञ्जाब किंग्सबीच खेल
प्रकाशित मिति : चैत्र २२, २०७९ बुधबार
आईपीएल २०२३ को आठौं खेलमा राजस्थान रोयल्स र पञ्जाब किंग्सबीच गुवाहाटीमा खेल हुँदैछ । आईपीएलको यो पहिलो खेल हो जुन उत्तर पूर्वी राज्यहरूमा खेलाइँदैछ।
टस जितेर राजस्थान रोयल्सले पहिले बलिङ रोजेको थियो । राजस्थान रोयल्सको टोलीले यो खेल आफ्नो दोस्रो घरेलु मैदान गुवाहाटीमा खेल्दैछ ।
दुवै टोलीले आईपीएल २०२३ को आफ्नो पहिलो खेल जितेका छन् । जहाँ पञ्जाब किंग्सले आफ्नो पहिलो खेलमा कोलकाता नाइट राइडर्सलाई ७ रनले पराजित गर्दै लियाम लिभिङस्टोन र रबाडा जस्ता महत्वपूर्ण खेलाडीको अनुपस्थितिमा विजयी भएको थियो ।
उता, राजस्थान रोयल्सले आफ्नो पहिलो खेलमा हैदरावादलाई ७२ रनको ठूलो अन्तरले पराजित गरेको थियो । यो खेल गुवाहाटीको बार्सपाडा स्टेडियममा हुनेछ ।
नर्थ ईस्टमा आईपीएल खेल्ने यो पहिलो पटक हो । सन् २०२० मा पनि गुवाहाटीमा खेल हुने तय भएपनि कोरोना भाइरसको महामारीका कारण भारतमा आईपीएल आयोजना हुन नसकेपछि सबै खेल दुबईमा खेलाइयो ।