भारतमा एकै दिनमा १० हजार जना कोरोना संक्रमित,२७ जनाको मृत्यु
प्रकाशित मिति : बैशाख २, २०८० शनिबार
बितेका २४ घन्टामा देशभर १० हजार सात सय ५३ जना कोरोनाका बिरामी थपिएका छन् भने २७ जनाको मृत्यु भएको छ । शुक्रबार ११ हजार १ सय नौ जना बिरामी भेटिएका केन्द्रीय स्वास्थ्य मन्त्रालयले आज जनाएको छ ।
गत बिहीबार १० हजार एक सय ५८ जनामा कोभिड–१९ भेटिएको थियो । अहिले भारतभर ५३ हजार सात सय २० जना सक्रिय सङ्क्रमित छन् । बितेका २४ घन्टामा ६ हजार ६ सय २८ जना स्वास्थ्य लाभ गरी घर फर्केका छन् । हालसम्म चार करोड ४२ लाख २३ हजार दुई सय ११ जना कोरोना मुक्त भएका छन् ।