अस्पतालमा भएको आगोबाट मृत्यु हुनेको संख्या २९ पुग्यो
प्रकाशित मिति : बैशाख ६, २०८० बुधबार
![](https://i0.wp.com/www.khasokhas.com/wp-content/uploads/2023/04/china_NuMu8rgkDM.jpg?fit=894%2C551&ssl=1)
चीनको बेइजिङस्थित एक अस्पतालमा भएको आगोलागीमा परी २९ जनाको मृत्यु भएको छ । बेइजिङको चाङफेङ अस्पतालमा मङ्गलबार भएको आगलागीमा परी २९ जनाले ज्यान गुमाएका आज यहाँ आयोजित पत्रकार सम्मेलनमा बेइजिङको फेङताई जिल्लाका उपप्रमुख ली जोङग्रोङले बताएका छन् ।
उक्त घटनालाई लिएर अस्पताल व्यवस्थापनका निर्देशकसहित १२ जनालाई नियन्त्रणमा लिइएको बेइजिङको सार्वजनिक सुरक्षा ब्यूरोका सुन हाइताओले बताए । आन्तरिक मर्मतसम्भार र निर्माणको क्रममा अस्पतालमा मङ्गलबार आगो सल्केको अनुमान गरिएको छ । मर्मतसम्भारको ठेक्का पाएको कम्पनीका प्रतिनिधिलाई पनि पक्राउ गरिएको छ ।