महिला साथीलाई ककपिटमा राख्ने एयर इन्डियाका पाइलटमाथि छानबिन सुरु
प्रकाशित मिति : बैशाख ८, २०८० शुक्रबार
एयर इन्डियाका एक पाइलटमाथि आफ्नी महिला साथीलाई विमानको ककपिटमा लगेको आरोप लागेको छ । यस सम्बन्धमा, भारतको उड्डयन क्षेत्रको नियामक निकाय नागरिक उड्डयन महानिर्देशनालय (DGCA) ले यी आरोपहरूको छानबिन गरिरहेको जनाएको छ। समाचार एजेन्सी पीटीआईले एक अधिकारीलाई उद्धृत गर्दै यो कुरा लेखेको छ, घटना २७ फेब्रुअरीको हो ।
रिपोर्टका अनुसार दुबईबाट दिल्लीको उडानका क्रममा एयर इन्डियाको फ्लाइट कमाण्डरले आफ्नी महिला साथीलाई इकोनोमी क्लासबाट बोलाएर ककपिटमा बसाएका थिए ।
यो मुद्दा तब चर्चामा आयो जब पाइलट, सह-पाइलट, केबिन क्रू सदस्य र महिला शुक्रबार सुनुवाईको लागि DGCA मा उपस्थित भए। यसअघि ३ मार्चमा केबिन चालक दलका सदस्यले एयर इन्डियाका सीईओ र उडान सुरक्षालाई पहिलो पटक लिखित उजुरी गरेका थिए। त्यसपछि यो मुद्दा डीजीसीएमा पठाइयो।
जब केबिन क्रूको एक सदस्यले फ्लाइट कमाण्डरलाई त्यसो नगर्न सुझाव दिँदा, उसले केबिन चालक दलको सदस्यलाई गाली गरे। केबिन क्रू सदस्यले पाइलटको आक्रामक व्यवहारबाट आफू छक्क परेको दाबी गर्छिन्।