बुद्ध जयन्तीको अवसरमा ५ मेमा पोर्चुगलको लिस्वनमा बृहत शोभा यात्रा
प्रकाशित मिति : बैशाख १८, २०८० सोमबार
२५६७ औँ बुद्ध जयन्तीको अवसरमा ५ मे २०२३ को दिन पोर्चुगलको राजधानी लिस्वनमा बृहत शोभा यात्राको आयोजना गरिने भएको छ । अवैतनिक नेपाली महाबाणिज्यदूत एवं २५६७ औँ बुद्ध जयन्ती मुुल आयोेजक समारोह समिती लिस्बन पोर्चुगलका संयोजक मकर हमालले वक्तव्यमार्फत कार्यक्रमबारे जानकारी दिनुभएको हो ।
बुद्ध जयन्तीको शोभा यात्रालाई सभ्य र भब्य रुपमा सम्पन्न गरी प्रवासमा बुद्धभुमि नेपाल र नेपालीको पहिचानको प्रचार–प्रसार गर्ने यस अभियानमा सरिक हुन पोर्चुगलबासी सम्पूर्ण नेपाली बुवाआमा, दाजुभाई तथा दिदीबहिनी सबैमा अनुरोध गरिएको छ । बुद्धको पुजा बिहान १० बजेदेखि रुआ अल्वारो कोटिन्हो २ बी मा सुरु हुनेछ भने सोही दिन दिउँसो ३ बजेदेखि प्रासा दि कमर्सियोबाट सुरु हुने शोभा यात्रा विभिन्न स्थान हुँदै मार्टिम मुुनिजमा आएर कोण सभामा परिणत हुनेछ ।
यस अवसरमा पोर्चुगलमा रहेका सम्पूूर्ण संघ संस्था, नेपाली समुदाय, सामाजिक अभियन्ता, व्यवसायी, बुद्धिजीवि, पत्रकार लगायत सम्पूर्णलाई भगवान बुद्धको फोटो र बुद्ध उपदेश अंकित प्ले कार्ड, नेपालको राष्ट्रिय झण्डा र आ–आफ्नो समुदायको भेषभूषामा उपस्थित भई शोभा यात्रालाई भब्य र आकर्षक बनाउन आ–आफनो स्थानबाट सहयोग गर्न अनुरोध गरिएको छ । शोेभा यात्रामा उत्कृष्ट भेषभूषा, लाइन व्यवस्थापन गर्ने, कला संस्कृति झल्कने झाँकी प्रदर्शन गर्ने समुहलाई पुुरस्कृृत गरिने हमालले जानकारी दिनुभयो ।