सरकारको नीति तथा कार्यक्रम पारित
प्रकाशित मिति : जेष्ठ ५, २०८० शुक्रबार
मन्त्रिपरिषद्को बैठकले सरकारको आर्थिक वर्ष २०८०/ ८१ को नीति तथा कार्यक्रम पारित गरेको छ ।
प्रधानमन्त्री तथा मन्त्रिपरिषद् कार्यालय सिंहदरबारमा आज शुक्रवार बसेको बैठकले सरकारको आउँदो आर्थिक वर्षको नीति तथा कार्यक्रम पारित गरेको प्रधानमन्त्री पुष्पकमल दाहाल प्रचण्डको सचिवालयले जनाएको छ ।
सङ्घीय संसद्को संयुक्त बैठकमा आज राष्ट्रपति रामचन्द्र पौडेलले सरकारको नीति तथा कार्यक्रम प्रस्तुत गर्नुहुनेछ । बैठक दिउँसो ४ बजेका लागि बोलाइएको छ ।