अलिबाबा ग्रुपका मालिक तथा अर्बपति ज्याक मा नेपालमा
प्रकाशित मिति : असार १२, २०८० मंगलबार
चिनियाँ कम्पनी अलिबाबा ग्रुपका मालिक तथा अर्बपति ज्याक मा नेपाल भ्रमणमा आएका छन् । हङकङको जेट एभिएसन बिजनेस जेटको बोइङ ७३७ म्याक्स चार्टर्ड जहाजमा उनी चीनबाट बंगलादेशको राजधानी ढाका हुँदै मंलगबार काठमाडौं आइपुगेका हुन् ।
उनीसहित अरु ६ जना पनि आएका छन् जसमा एकजना महिला रहेकी छन् । ज्याक मा टुरिष्ट भिसामा नेपाल आएको अध्यागमन विभागले जनाएको छ ।
ज्याक मा व्यापारिक शिलशिलामा नेपाल आएको बताइएपनि भ्रमणको उद्देश्यबारे यकिन विवरण सार्वजनिक गरिएको छैन ।
चिनियाँ धनाढ्यको सूचीमा पाँचौ नम्बारमा रहेका उनी विश्वका डलर अर्बपतिहरुको सूचीमा ६३ औं स्थानमा छन् । ज्याक माको सम्पत्ति ३३.६ बिलियन अमेरिकी डलर रहेको छ ।
ज्याक मा पछिल्ला वर्षहरूमा सार्वजनिक स्थान एवं सञ्चार माध्यममा विरलै देखिने गरेका छन् । उनी बढीजसो समय चीन र जापानमा बस्ने गरेका छन् ।