नेपाली कांग्रेसका नेता तथा सांसद सुनिल शर्मा पक्राउ
प्रकाशित मिति : श्रावण २५, २०८० बिहीबार
नेपाली कांग्रेसका नेता तथा प्रतिनिधिसभा सदस्य सुनिल शर्मा पक्राउ परेका छन् । नेपाल प्रहरीको केन्द्रीय अनुसन्धान ब्यूरो (सीआईबी)ले शर्मालाई गोल्फुटारस्थित निवासबाटै पक्राउ गरेको हो ।
यद्यपी, प्रहरीले शर्मालाई पक्राउ गर्नुको कारण भने खुलाएको छैन् ।
शर्माले संसद् बैठकमै एक सय किलो सुन प्रकरण छानबिन गर्न माग गर्दै उपप्रधान तथा गृहमन्त्री नारायणकाजी श्रेष्ठ र अर्थमन्त्री प्रकाशशरण महतको राजीनामा समेत मागेका थिए ।
शर्मा गत मंसिरमा सम्पन्न निर्वाचनमा मोरङ ३ बाट प्रत्यक्ष निर्वाचित भएका थिए । उनी काठमाडौँ मेडिकल कलेज र विराटनगरस्थित नोबल मेडिकल कलेजका सञ्चालक पनि हुन् ।