विमान दुर्घटनामा वागनर प्रमुख प्रिगोजिनसहित ज्यान गुमाउने अन्य ९ जना को हुन् ?
प्रकाशित मिति : भाद्र ६, २०८० बुधबार
मस्कोको उत्तर-पश्चिममा भएको विमान दुर्घटनामा वागनरको सेना प्रमुख येभगेनी प्रिगोजिनको मृत्यु भएको छ। उक्त विमानमा सात यात्रुसहित तीनजना चालक दलका सदस्य थिए र सबैको मृत्यु भएको थियो । सबै शव बरामद गरी पहिचान भइसकेको छ ।
रुसको उड्डयन निकायले सात जना यात्रुको पहिचान गरी उनीहरुको नाम दिएको छ । प्रिगोजिनसँगै उनका नजिकका सहयोगी दिमित्री उत्किन, सर्गेई प्रोपुस्टिन, येभगेनी मकर्यान, अलेक्जेन्डर टोटमिन, भ्यालेरी चेकालोफ र निकोलाई मातुसेयेभको पनि दुर्घटनामा मृत्यु भएको छ ।
चालक दलका सदस्यहरू क्याप्टेन एलेक्सी लेभ्सिन, को-पाइलट रुस्तम करिमोभ र उडान परिचर क्रिस्टिना रास्पोपोभा थिए। यस वर्ष जुनमा प्रिगोजिनको नेतृत्वमा वागनरको सेनाले रूसमा विद्रोह गर्ने असफल प्रयास गरेको थियो ।