इजरायलमा भएको आक्रमणप्रति मोदीद्वारा दुःख व्यक्त, भने- ‘हामी इजरायलको साथमा छौं’
प्रकाशित मिति : आश्विन २०, २०८० शनिबार
प्रधानमन्त्री नरेन्द्र मोदीले इजरायलमा भएको आक्रमणप्रति दुःख व्यक्त गरेका छन् ।
पीएम मोदीले सोशल मिडिया प्लेटफर्म एक्समा लेखेका छन्, ‘इजरायलमा आतंकवादी हमलाको खबरले स्तब्ध भएको छु । हाम्रो प्रार्थना आक्रमणका पीडितहरू र मारिएकाहरूको परिवारसँग छ। यो कठिन समयमा हामी इजरायलको साथमा छौं।’
शनिबार हमासले इजरायलमा सात हजारभन्दा बढी रकेट प्रहार गरेको दाबी गरेको छ । इजरायलका धेरै क्षेत्रमा हमासले पनि आक्रमण गरेको थियो। जवाफमा इजरायलले पनि प्यालेस्टिनी क्षेत्रमा आक्रमण गरेको छ ।