आईपीएलमा चेन्नईंको विजयी सुरुवात, पहिलो खेलमा आरसीबीलाई ६ विकेटले हरायो
प्रकाशित मिति : चैत्र ९, २०८० शुक्रबार
डिफेन्डिङ च्याम्पियन चेन्नई सुपर किंग्सले आईपीएल २०२४ मा विजयी सुरुवात गरेको छ ।
नयाँ कप्तान रुतुराज गायकवाडको नेतृत्वमा रहेको सीएसकेले सिजनको उद्घाटन खेलमा आरसीबीलाई ६ विकेटले हराएको हो ।
चेपौक स्टेडियम, चेन्नईमा टस जितेर ब्याटिङ गरेको आरसीबीले २० ओभरमा ६ विकेट गुमाएर १७३ रन बनाएको थियो । अनुज रावतले सर्वाधिक ४८ रन बनाए । विराट कोहलीले २० बलमा २१ रन मात्र बनाउन सके । मुस्ताफिजुर रहमानले ४ विकेट लिए ।
जवाफमा चेन्नईले १८.४ ओभरमा ४ विकेट गुमाएर लक्ष्य पूरा गर्यो । चेन्नईका शिवम दुबेले ३४ र रविन्द्र जडेजाले २५ बनाउदैँ अविजित रहे ।