सन्दीप लामिछानेलाई अमेरिकाले दिएन भिसा
प्रकाशित मिति : जेष्ठ ९, २०८१ बुधबार
नेपाली राष्ट्रिय क्रिकेट टोलीका खेलाडी सन्दीप लामिछानेलाई अमेरिकाले भिसा दिन अस्वीकार गरेको छ । सन्दीपले सामाजिक सञ्जालमार्फत नेपालस्थित अमेरिकी दूतावासले भिसा अस्वीकृत गरेको जानकारी दिएका हुन् ।
अमेरिका र वेस्ट इन्डिजमा हुन लागेको आईसीसी टी- २० विश्वकपमा सहभागी हुन जान अमेरिकाको भिसाको आवेदन दिएका थिए ।
नेपाल क्रिकेट संघ (क्यान) ले आवश्यक सबै प्रक्रिया पूरा गरेपनि सन्दीपलाई अन्तिम समयमा नेपालस्थित अमेरिकी दूतावासले भिसा अस्विकार गरेको हो ।
सन्दीपलाई सन् २०१९ मा पनि अमेरिकन दूतावासले भिसा दिएको थिएन् ।