दिल्लीका मुख्यमन्त्री केजरीवालद्धारा तिहाड जेलमा आत्मसमपर्ण
प्रकाशित मिति : जेष्ठ २०, २०८१ आईतबार
२१ दिनको अन्तरिम जमानतको म्याद सकिएपछि दिल्लीका मुख्यमन्त्री तथा आम आदमी पार्टीका संयोजक अरविन्द केजरीवालले आइतबार दिल्लीको तिहाड जेल पुगेर आत्मसमर्पण गर्नुभएको छ ।
दिल्ली सरकारकी मन्त्री आतिशा मार्लेनाले भन्नुभयो चुनाव लोकतन्त्रको जग हो ।
लोकतन्त्र बचाउन सर्वोच्च अदालतले केजरीवाललाई २१ दिनको जमानत दिएको थियो । अदालत र संविधानको सम्मान गर्दै केजरीवालले निर्धारित मितिमा आत्मसमर्पण गर्नुभएको हो ।
यो सत्य हो कि केजरीवालको स्वास्थ्य राम्रो छैन । केटोन लेभल धेरै उच्च छ, तौल छ किलोले घटेको छ तर पार्टीका कोही नेतालाई जेल जाने डर छैन ।
दिल्ली एक्साइज मुद्दामा जेल सजाय काटिरहेका केजरीवाललाई सर्वोच्च अदालतले मे १० मा जमानत दिएको थियो ।
अदालतले निर्वाचन प्रक्रियामा सहभागी हुन केही दिन धरौटीमा रिहा हुने भएकाले मतदान सकिएपछि आत्मसमर्पण गर्नुपर्ने बताएको थियो ।