आयोजक जर्मनीलाई स्तव्ध बनाउदै स्पेन युरो कप फुटवलको सेमिफाइनलमा
प्रकाशित मिति : असार २१, २०८१ शुक्रबार
स्पेन युरो कप फुटवल २०२४ को सेमिफाइनलमा पुगेको छ । पहिलो क्वार्टरफाइनल खेलमा आयोजक जर्मनीलाई २–१ गोल अन्तरले हराउदै स्पेन सेमिफाइनलमा पुग्ने पहिलो टोली बनेको हो ।
शुक्रबार राती निकै प्रतिस्पर्धात्मक बनेको खेल निर्धारित समयमा बराबरी भएपछि अतिरिक्त समयमा पुगेको थियो । अतिरिक्त समयको पनि अन्तिम मिनेटमा मिकेल मेरिनोले गोल गर्दै स्पेनलाई जित दिलाए ।
खेलको अन्त्यतिर ड्यानी कार्भाहालले दोस्रो पहेँलो कार्ड खाँदै मैदान छाड्न परेको थियो । अन्त्यमा स्पेन १० खेलाडीमा सिमित भएपनि जर्मनीले गोल गर्न सकेन ।
यसअघि निर्धारित समयको खेल १–१ को बराबरीमा टुङ्गिएको थियो । पहिलो हाफमा दुवै टोलीले गोल गर्न सकेका थिएनन् ।
स्पेनले सन् १९६४ मा आफ्नो पहिलो सहभागितामै युरोकपको उपाधि जितेको थियो । त्यसपछि स्पेनले सन् २००८ मा दोस्रो पटक युरोकपको उपाधि उचालेको थियो ।
त्यसलगत्तै स्पेनले सन् २०१२ मा युरोकपको उपाधि जितेको थियो । स्पेन लगातार दुईपटक युरोकपको उपाधि जित्ने एकमात्र राष्ट्र पनि हो ।
जारी युरोकपमा स्पेन हालसम्म अपराजित छ । स्पेनले पाँच खेल जितिसकेको छ । समूहगत चरणमा पहिलो हुँदै स्पेन नकआउट चरणमा प्रवेश गरेको थियो ।